ایټالیا د فرانسوي لمونځکوونکي قاتل فرانسې ته وسپاره
ایکنانیوز د یورونیوز په حواله راپور راکوي، ایټالیا د فرانسې په یوه جومات کې د یوه ځوان سړي د وژنې په تور شکمن کس فرانسې ته وسپاره. دا شکمن، چې فرانسوي رسنئ ئې اولیویه آ. په نوم یادوي، د یوه ۲۲ کلن مالي توکمه فرانسوی ابوبکر سیسه په وژنې تورن دی چې د فرانسې په جنوب کې په یوه جومات کې ووژل شو.
هغه تر تېرې جمعې پورې، چې ځان ئې د ایټالیا پولیس ته تسلیم کړ، درې ورځې مخکې تښتېدلی و. هغه د فرانسې ښاریز دی او په ۲۰۰۴ کال کې زیږیدلی دی. د راپورونو له مخې، هغه د ایټالیا له فلورانس ښار څخه د فرانسې په جنوب کې د نیم ښار محکمې ته انتقال شوی دی.
تمه کیږي هغه به د تحقیقاتو مسؤل قاضي په وړاندې حاضر شي څو د پېښې په اړه خپله روایت وړاندې کړي. د راپورونو له مخې، هغه د «توکم یا مذهب په وجه د قصدي قتل» او «له تفتیش یا نیولو څخه د تېښتې» له تورونو سره مخ دی.
سیسه هغه مهال په یوه جومات کې په لمانځه بوخت و چې په دې پخواني کاني ښار لا ګراند-کومب کې برید پرې وشو او د چاقو لسګونو ګوزارونه پرې وشول. اولیویه آ.، چې په دغې سیمې کې اوسېد او ظاهراً جرمي سابقه نه لري، د دغه لمونځکوونکي د وژنې ویډیو ئې ثبت کړه او بیا یې په سنیپ چټ خپره کړه.
د وژنې د سیسې په تېرو اونیو کې په فرانسه کې تاوده بحثونه راپارولي، ځکه حکومتي چارواکي د دغې پېښې د نفرت پر بنسټ جرم په توګه د نه پېژندلو او د نورو وژونکو بریدونو په اړه د کافي اندېښنې د نه ښودلو په وجه له نیوکو سره مخ شول.
د دغې وژنې په غبرګون کې، ګڼو سیاسي تنظیمونو ،ادارو، مدني ټولنو، څېړونکو، اکاډمیشنونو، لیکوالو او ټولنیزو شخصیتونو نن یعني د یکشنبې ورځې ، د مئ ۱۱ ، په ټولې فرانسې کې د چوپتیا لاریون غوښتنه کړې ده.
https://iqna.ir/fa/news/4281476
